Látum það fokka

2007-06-12T14:33:00.001Z

Rás 2
Innan á lyftuhurðina í Árnagarði hefur ýmislegt verið skrifað. Manni finnst svolítið skrítið að sjá þetta í lyftu í háskóla en þar stendur eitthvað á borð við Þú ert hommi og svo hefur kannski einhver annað bætt við og alki. Svo fullyrðir einhver að Toffi sé rotta (en það er hann áreiðanlega ekki).

En það sem mér finnst eiginlega skrítnast við þetta er að einhver hefur haft fyrir því að rista á hurðina Rás 2! Sá hlýtur að vera mikill aðdáandi.

2007-06-04T11:32:00.000Z

Michael (sem nú er í Tilbrigðaverkefninu) og Rósa Marta héldu fyrirlestur á málþingi M.A.-nema í námskeiðinu Tilbrigði í setningagerð í desember síðastliðnum sem bar heitið: „Ég er aldrei búinn að nota búinn að.“ Er hjálparsögnin hafa í útrýmingarhættu? Þar fjölluðu þau um aukna notkun vera + búinn að á kostnað hafa + lh.þt. (sbr. dæmi eins og Ég er aldrei búinn að sjá þessa mynd þar sem flestum þætti líklega eðlilegast að segja Ég hef aldrei séð þessa mynd).

Ég nota búinn að mjög mikið og hafði kannski þess vegna lítið pælt í þessari notkun áður en ég hlustaði á fyrirlesturinn. Því fannst mér svolítið athyglisvert að ég heyrði a.m.k. einu sinni (ég hlustaði ekki nógu grannt eftir þessu) á síðasta kosningakvöldi formann einhverrar kjörstjórnar segja: „Nú er búið að telja X atkvæði ...“ Oftast var þó sagt: „Talin hafa verið X atkvæði ...“

Þetta fannst mér merkilegt þar sem þeir sem tilkynna nýjustu tölur í kosningum til Alþingins lesa þær upp af blaði og reyna væntanlega að vanda mál sitt (og þetta búinn að þykir örugglega ekkert sérstaklega vandað) enda bíður þjóðin með öndina í hálsinum; sumir hlusta eftir úrslitunum, aðrir eftir einhverju allt öðru.

Málfræði

2007-05-01T16:13:00.000Z

Mig langaði að „láta svolítið fokka“ um generatífa málfræði sem mér hefur legið á hjarta í allan vetur. Ég vona að þið takið ekki í sama streng — þið missið þá kannski vinnuna! (Sjá ósvífinn tengil hér.)

Ali G og Noam Chomsky!

2006-11-27T11:04:00.000Z

Skafaði-skafði-skóf?

2006-11-23T15:50:00.000Z

Nú þegar allt er á kafi í snjó (reyndar aðeins farinn að bráðna) er sögnin skafa notuð óspart og í mín eyru hafa borist 3 beygingarmyndir sagnarinnar skafaði (oftast) skafði(sjaldnar) og skóf (nánast aldrei).Skv. beygingarlysingunni beygist sögnin sterkt...Nú er spurt hefur hin veika beyging borist ykkur til eyrna?

Enn af vomunni

2006-11-22T11:31:00.000Z

vomur FT efablendni, hik, það að geta ekki ákveðið sig það eru einhverjar vomur á honum með það /standa (vera) í vomum, stíga í vomurnar stb. vera óráðinn, tvístíga og vera í vafa hvort róa skal, bræða hann

Verð að viðurkenna að það voru ákveðnar vomur á mér með að blogga þessa færslu þar sem þetta er fyrsta skipti sem ég tek til máls hér á sídunni. Er ekki orðin svo forfrömuð að skanna inn myndir eins og Freynar en þið takið viljan fyrir verkið.
Annars fer mér yfirleitt betur að ræða e-ð annað en málfræði svo ég sting upp á að við hittumst í desember t.d. til að drekka jólaglögg og borða piparkökur og e.t.v. famba. Hvað segi þið um það?

Vom

2006-11-14T15:57:00.000Z

Spurt var um orðið vom.

Í Íslenskri orðabók er orðmyndin ekki til en hins vegar er til orðið vomur (kvk. ft.) sem merkir:

-efablendni, hik, það að geta ekki ákveðið sig
það eru einhverjar vomur á honum með það

Eintalan voma hefur þrjár merkingar:

1. velgja, ógleði, flökurleiki, klígja, bragð sem veldur klígju

2. óró, óróleiki, væg aðkenning að kálfssótt eða yxni hjá kúm

3. (staðbundið) saumað eða ofið vomuband

Í seðlasafni Orðabókarinnar fann ég hins vegar orðmyndina vom (kvk.) í eftirfarandi dæmum:

„þúngsinnis gjördi þetta vomin; þagnadir sváfu fuglarnir“

(Reyndar var danskt ö í gjördi...)

„dáðleysi við drykkju vom, drussa - þumb og stygð.“

Bæði dæmin eru komin frá Eggerti Ólafssyni, annað úr Búnaðarbálki (1764).

vomur (kk.) getur þýtt:

1. raumur, ógeðfelld persóna

2. ófreskja, draugur, kölski

Valkvíði finnst hvorki í Íslenskri orðabók né seðlasafninu.

Var þetta ekki soldið nördalegt?

Nördast*

2006-11-10T21:57:00.000Z

Hvar er nördaskapurinn?
Dettur engum í hug hnyttinn málfræðibrandari eða skemmtilegar málfræðivangaveltur?
Er það svo að við þurfum að vera öll saman til þess að nördisminn grasseri? Þetta er ótrúleg lognmolla. Ég hélt við ættum meira inni.
Erum við kannski öll bara eitthvað að fokka okkur?

*Eyrún, þetta var fyrir þig.

p.s. Finnst ykkur nokkuð móðgandi að ég kalli ykkur alltaf nörd? Það er sko hrós úr mínum munni, sérstaklega ef ég segi málfræðinörd.

Brandari

2006-10-05T23:35:00.000Z

Ég var einu sinni sem oftar að skoða gamla Mogga á Tímarit(um).is þegar ég rakst á þennan málfræðitengda brandara sem ég held að eigi vel heima á þessari síðu (enda er um að gera að vera kátur). Víkverji skrifar 24. maí 1947:

2006-10-03T12:21:00.000Z

Sáuð þið nokkuð greinina um hann Gulla okkar og doktor Jón í Mogganum í gær?

Frjósa-fraus-frusum....brosa-?

2006-09-26T09:42:00.000Z

Haha.
Í fyrradag ætlaði litli frændi minn að segja sögu. Hann komst ekki mjög langt.
Hann: "Áðan þá brosaði hún svona..."
Mamma: " Braus!"

Hmm. Kannski var þetta fyndnara ef maður var á staðnum.

Er e-ð að skest?

2006-08-28T14:49:00.000Z

Miðmynd er í tísku í dag. Það hefur mér orðið ljóst af því að leita að sögnum í miðmynd með Google. Unga fólkið virðist nota miðmynd töluvert um sagnir leiddar af nafnorðum. Þannig getur sögnin strandast merkt að fara á ströndina og axlast að sitja á öxlum einhvers. Aðrar sagnir geta verið afbakanir úr ensku. Þannig merkir sníkjast út að laumast út (e. sneak out) og messast við e-n að abbast upp á e-n (e. mess with someone). Sumir virðast ekki kunna sagnir eins og frjósa og blotna en nota frystast og bleytast. Fjölmörg dæmi voru um að miðmynd væri notuð í þolmyndarmerkingu þar sem ekki er hefð fyrir því. Kitlast eða láta kitlast er notað um að vera kitlaður, egg linsjóðast í stað þess að verða linsoðin o.s.frv. Langoftast er þó skeytt -st aftan við sagnir án þess að merkingin breytist nokkuð, passast þýðir þannig að passa (börn), hlutir springast í stað þess að springa, kraumast í stað þess að kraumast og besta dæmið sem ég fann var þegar talað var um að „ekkert væri að skest!“

Lifandi vera úr undanfarandi maga

2006-08-23T10:47:00.000Z

Húrra fyrir litla málfræðingnum sem fæddist í nótt!

Til hamingju!:)

Back from sumarbúðum

2006-08-08T09:50:00.000Z

So, Ég er komin back home úr summer campinu. Síðustu þrjár vikurnar hef ég ýmist talað ensku, eða ísl-ensku: Krakkar, nei þið megið ekki fara í activity room núna, það er delegation time og við ætlum að vera saman. Muniði að mæta á réttum tíma í flag time, um leið og þið heyrið activity song eigið þið að koma strax. Hvernig gengur annars í planning group? Hver er leaderinn í þinni planning group?

Geðveikt stuð sko.

Myndablogg

2006-07-31T11:33:00.000Z